مرثية شالح بن هدلان في ابنه ذيب

هذه المرثيه للفارس شالح بن حطاب بن هدلان شيخ الخنافره من قحطان في ابنه ذيب الذي اشتهر ببره العجيب بوالده وبفروسيته النادره التي سأذكرها بإذن الله في المشاركات القادمه

وقد قتله فتى من برقا عندما رأى ذيب ورفاقه نازلين على بئرا لعتيبه ليستقو منها فما كان منه الا ان رماه رمية اردته قتيلا.......... فكان من شالح هذه القصيده:

ياربعنا ياللي على الفطر الشيب =عز الله انه ضاع منكم وداعه
رحتو على الطوعات مثل العياسيب =وجيتو وخليتو لقلبي بضاعه
خليتو النادر بدار الاجانيب =وضاقت بي الآفاق عقب اتساعه
تكدرن لي صافيات المشاريب =وبالعون شفت الذل عقب الشجاعه
ياذيب انا بوصيك لا تاكل الذيب =كم ليلة عشاك عقب المجاعه
كم ليلة عشاك حرش العراقيب =وكم شيخ قوم كزته لك ذراعه
كفه بعدوانه شنيع المضاريب =ويسقي عدوه بالوغى سم ساعه
ويضحك ليا صكت عليه المغاليب =ويلكد على جمع العدو باندفاعه
وبيته لجيرانه يشيد على الطيب =وللضيف يبني في طويل الرفاعه
جرحي عطيب ولا بقا لي مقاضيب =وافخت حبل الوصل عقب انقطاعه
كني عقب فقده بحامي اللواهيب =وكني غريب الدار مالي جماعه
من عقب ذيب الخيل عرج مهاليب =ياهل الرمك ماعاد فيهن طماعه
قالو تطيب قلت وشلون اباطيـب =وطلبت من عند الكريم الشفاعه

أبو وسام

يا اخي انت وينك من زمان

نبي مثل هذه المواضيع اللي تبسطنا

بانتظار ما تخفيه في المرة القادمة

يعطيك العافية

مشكور أخوي ابو وسام اختيار موفق وقصيدة جزلة
لا حرمنا الله جديدكـ يا مبدع

مشكوووووووووور

يا أبا وسام

قصة وقصيدة تشكر عليها

ولاهنت ياغالي

يعطيكـ العافيه أخوي أبو وسام

وسلمت يمناكـ على هلقصيدهـ الرائعه

	قصيدة بديعه من روائع تراثنا الشعبي العريق مشكور اخي على انتقائك واختيارك وبانتظاااار المزيد ,,

ياذيب أنا بوصيك لاتاكل الذيب....

يعطيك العافيه أبو وسام....